ئا: موحهممهد یاسین زهڵمی
وانهری وهشهویس، ئی سروشته جوانهو ئێمه ههر پێسه ڕهنگینیش سهرسامی مدۆ به گردو ئا كهسا كه پیاسێوه ڕۆحانیانه دڵێشهره كهرا، پاسهیچ یاگێ جوان ویناییو جوان ڕهنگینین، ههر
جه (گۆران) ی گهوره هۆنهرو كوردیۆ تا (مهولهوی)، جوان وینایشا پهی سروشتوو ههورامانی تهوژمێش
چی مهجالهنه وهنه دێنێوو زیاتهر جه سروشت ئهشناسایو وهشهویسی سروشتیهنه تۆخش كهردێنێوه.
مهعلوما كه گۆشهو ههواری ههر پێسه قهولش پهنه دێندێ و لهپۆرته شیرێنێ ژیوایش چهنی بهش كهردێندێ پاسهیچ بهردهوام جوانیهكا وهتهنیتا مدۆنه خزمهت، ههوارو ئی جاری ههواره ڕهنگینهكهو (هانه جمه) یا (هانه جمجمه) ن.
هانه جمه، دهربارۆ نامی ئی ههوارییه، چن پهی لوایۆوه ههنێ كه ڕاسترینشا ئانهن كه ئی یاگێ زهمینهكهش جمایێوهش ههنو ساڵانه كهنهكهش جمۆو ورد وردێ ڕێزۆره وار به تایبهتیچ وههارهنه.
هانه جمه یان هانه جمجمه گنۆ بهشو ههوارمانو ڕۆژههڵاتو كوردستانیۆ كه به 5 كم نزیكا جه دهگاو ههورامانو تهختیۆ، لای سهریش هانه مهفهرانو لاو وهركۆتهیش كهلو ژاڵانهیاو لاو وهرنیشتهیش قهڵاخانیو لا واریش كهلوو تهتهین.
ئی ههواره به جیا جه ههوارهكا تهری كه وهڵتهر وستێنێما ڕووه، شیرینتهر جه ههواره كا تهریچ كه لوایمێشهنه ههواریو ئاوهدان بێ.
هانه جمه تایبهتا به خهڵك و دهگا هۆرامانو تهختی كه وههارێنه ملاشهنه تا پاییزێوه دێرو وێشا به ئاژهڵداریو كۆكهردهیۆ بهرههمه پڕ فهڕهكهو ئاژهڵهكاشاو دماییچ په كۆڵی پهڕۆ گێڵاوه دهگا.
