وێرای سڵاوو پێزانینن بۆ ئهرک و زهحمهتهکانی بهریوهبهری سایتی ههورامان
بهرێز ئاسوو بیارهیی رهخنهکهم وانایهۆ سهروو بهرنامهو هانهرهنگینهی جه 7 ئیی مانگێنه ! بهرێز مهرج نییا که ئهگهر ئینسان توواناییوهش بۆ تاوو جه گڕدوو قۆناغهکاو ژیواینه وزۆش کار یان و
وێش به خاوهن ئهزموون و خاوهن بریار بزانۆ چوون بهراسی مهجهوولات و شاریاوهکاو ژیوای چ فهرههنگی بۆ یان سیاسی و ئابووری و کۆمهڵایهتی پاسه جه سیستهمه دیتکتاتورهکانه شێویهنێ و پاشێلێ کریا پهی پاکتاوی نهتهوه کا و جهبهینبهردهی مافه سرۆشتیهکا به تایبهت کۆماروئسیلامی ئیرانی و حکوومهتوتۆرکی و عهرهبه رهگهزپهرهستهکا که وێشا به خاوهن ئێرادهو نهتهوهچێردهسهکا مزانا و به بهربڵاوی ههوڵوو ئانهیه مدا که جهسهو ئیی نهتهوهی پاچاره و قهڵهم ونارشکهرا ، جا مهزانوو بهرێزت به کام بنهما و به کام میتۆد و ئهندێشهی سیاسی و کۆمهڵایهتی یان به کام باوهر و متمانهو مافوو مرۆڤی جهوهراوهروو رژیمه کۆنه پهرستهکاوه گهرهکتا تهماموو ڕاکا بهسی و تهنیا دهڵاقه تۆزگرتهکهو کلتوورو ههورامانی به ڕاو رزگاری کۆیلهیی خهڵکوو ئیی مهحاڵیی جه بهشه جیاوازهکاو کوردستانی دهسنیشان و دیاری فهرماوی ؟ ئایا رۆشنویری و زانایی کۆمهڵایهتی و فهرههنگی و سیاسی ئاوزاریوه نییا پهی ئینسان سازی و بهرجهستهکهردهی کهسایهتی ئینسانه کا ههم پهی وهرگیری جه مافوو وێ و ههم رێزگرتهی جه مافوو هام نهوعیی ؟ ئایا بهراو جهنابیت جه دامنهو دهسهڵاتوو دیکتاتورانه که ئیلا زوانوو زڵموو زۆروکوشتهی نهبوو ئهقل و قهڵهم و کلتوور یاگێش ههنه ؟ ئایا جه رژیمهکاو کۆماروئیسلامی ئێرانی و پاشماوهکاو ئاتا تۆرکی تهنیا به چهکوو به هێزکهردهی کلتووری یان پێنووسی سفرهو خۆانوو نیعمهتو دیموکراسی وزیۆره؟ ئایا تا ئیسه جه کام وڵاتێوه سهرمایهداری یان کۆمۆنیستی مافوو نهتهوهکا به بێ خهباتی چهکداری و نیزامی دهسهبهر کریان ؟ کۆمهڵگێوه سهرکهوتهن که جه گردوو بوارهکاو ژیوایهنه پهروهرده کریابۆ تا حهشیمهتهکهش به تهماموو ئامادهکاریهکا تهوانوو بهرخۆدایشا بوو پهی گۆرانکاریه بنهرتیهکا ،، بێگۆمان شانبهشانوو ژیونایهو فهرههنگی وسیاسی خهباتی نیزامیچ پێویستا و به قهۆڵوو فارسا لازم و مهلزووما و تاوا تهمامکهروو ههنگهری با ، ئاوات و ئارهزوو ئیمهیچ ئینهن که گهرد ئالووگۆڕ و فاڕیایی به پهرهسانای فهرههنگی و رۆشنویری رێکوزیۆ تا ماف و دهسهڵات به یهکسانی دابهش بوو بهڵام نه من و نه بهرێزت جه کۆرهو مهرییخی مهژیومێ که بافت و ناوهرۆکوو دهسهڵاتدارهکا نهژناسمێ ! ئهگهر زهحمهت نهبۆ ههر جه سۆڤیهت تا ئاوڵاته که تۆش چهنه ژیوی یهک نموونهم وزه وهرچهم که تهنیا به کلتوور رزگار بێهبۆ ، با دوور نهڵمێ و تهماشاو دهسهڵاتوو باشوورو کوردستانی کهرمێ که وهراوهر به مافوو فهرههنگی ههورامانی جه فارس و عهرهبهکا بێ ئینسافتهرێنێ دهلیلهکهش ئانهنه که بێ هێزێنی و توانایی و دهسهڵاتشا نییا من داواکارهنا بهرێزت ئیی داواکاریهی ئاراستهو حکومهتو ههرێمی کهری تا مافی فهرههنگیشا دریۆ پنه و پهنا پهی چهکی نهبهرا ،، بهڵام وهزیفهو من و جهنابیتا سپاس و پهنهزانای وێما ئاراستهو تهلهفزێۆنی رۆژی کهرمێ پهی ئئ ئه رکه فهرههنگیه که مهوداو 10 ساڵێن ئاراستهو خهڵکوو ههورامانیش کهرۆ ئێتر پێویست پانهیهمهکهرۆ ئێمه بهرنامهو هانه رهنگینهی وزمێ چیروو پرسیار و بازوخۆاستی ،پاشێوه که من ئاگاداربوو هیچ مێمانیی هانهرهنگینهی به خۆرایی بهشداری ئابهرناما مهکهرۆ تا خهرج و مهسرهفوو ئاماو لواکهیش قهبووڵ نهکریۆ ! هیوادارهنا ئیی بهرنامه ههر بهردهوام بۆ و تهداخۆلی شهخسیش سهرنهبوو ،،ئا خاتوونه گهریلا که بهرێزت به 15 ساڵێش مزانی پاسه نیا و 21 ساڵی تهمهنشا و ئاوهزش به کهمووکۆریهکاو کۆمهڵگاکهیش کهردهن و به شارهزایی و زانیاری به خهباتی فهرههنگی و نیزامی داواو مافه حقۆقیهکاش کهرۆ ئێتر چ حاجهت جه نرخوو ئیی بهرنامهیه کهم کریؤ و بۆ به قۆربانی کێشهو ئیده سیاسیهکا
سهرکاو ههورامی
