با هانه رهنگینه هۆرامانی ڕهنگین تهر کهرۆ
نهک بانگهواز پهی جهنگی کهرۆ
بهردهوامی بهرنامه و هانهرهنگینهی و خزمهتکهردهی هۆرامانی جه ماوهی دهساڵا زیاتر، یۆ چا دهسکهوته مهزنان که پهی هۆرامانی کهناڵو ڕۆژتیڤی دهسهبهر کهردهن. بهداخهوه جه بهرنامه ڕۆ 7 /2/2010، جیاتی ئانهی فهرههنگو هۆرامانی زیاتر
با هانه رهنگینه هۆرامانی ڕهنگین تهر کهرۆ
نهک بانگهواز پهی جهنگی کهرۆ
ڕهخنه
ئاسۆ بیارهیی
7-2-2010 سوید
بهردهوامی بهرنامه و هانهرهنگینهی و خزمهتکهردهی هۆرامانی جه ماوهی دهساڵا زیاتر، یۆ چا دهسکهوته مهزنان که پهی هۆرامانی کهناڵو ڕۆژتیڤی دهسهبهر کهردهن. بهداخهوه جه بهرنامه ڕۆ 7 /2/2010، جیاتی ئانهی فهرههنگو هۆرامانی زیاتر ڕازاوه کهرۆ، جه چهم پهنهکۆتێوهنه چهنی چن گهریلێوه هۆرامی، بانگهوازو ئانهیش چهنهبێ که گهنجێکێ هۆرامانی دهسبا به چهک و ڕوهکهرا قهندیل. جهگردی خراپتهر کناچێوه گولانێ(ڕهنگا تهنها تهمهنش 15 ساڵه بوو) و چن گهنجێوه هۆرامانی پهی ئا کارهیه بانگهوازشا کهرد. بهکارئاردهی زاروڵایچ دیسان دژو مافهکا جهیانی بهڵێننامه و ژنێڤی که دهربارهو زاروڵا ههن.
ڕاسا ڕژێمو ئیرانی ڕژیمێوه وناوی و داگیرکهرا، بهلام مهبوو به هیچ شێوێوه بههانێش دهیمێ پهنه که ژینگهو هۆرامانی تێکبۆ و ههڕهشی جه گهنجه هۆرامیهکا و کۆمهڵگهو هۆرامانی کهرۆ. بهڕاو من زیندهکهردهی فهرههنگ و زوانو هۆرامی یۆ چا ههنگامه پیرۆزانه که مجیۆ دلێ خهباتوو نهتهوایهتی. رهخنێو تهر که دیسان پهی گهریلاکا ڕۆژههلاتی ئانهن، که دیسان ههمان ههڵهو پارتییهکا باشوورو کوردستانی کهرا که ههردهم باسو و سهرکردهی کهرا. من جه پهکهکهی و پهژاکی پهرسو ئایا ئادی پارتێوه بنهماڵهیی مهرزناره یان خهباتی نهتهوایهتی کهرا؟ چونکه ئێمه ئهزمونو باشورو کوردستانیما ههن که گیانو بنهماڵهییهو و کهس پهرستی چ زیانێوهش دان جه کوردی.
هیوادرانه جه دماڕۆنه بهرنامهو هانه ڕهنگینهی ئاگادارو ئی مهسهلابۆ و نهگنۆنه ئا ههڵا که به زیان پهی هۆرامانی گێلۆوه. چونکه زیندهکهردی فهرههنگی تهنها بهچهک مهکریۆ و جهنگ یانه وێرانیش ئینا شۆنیو. گردیما هۆرامانو باشوری وینمێ که چێشش پهنه ئامان. وانای گهنجه هۆرامیهکا جه فیرگهکانه خاستگرین ڕانه که کۆمهڵگهو هۆرامی ڕۆشنویر کهرۆ..
