|
|
|
|||||||
|
بۆ ئازادی ئازادهکان
من پێش ئهوهی ملی ڕێگای بادینان بگرم ، ئازادم دهناسی . سهرهتایهک نهبوو له هاوسۆزی من بۆ ئهو ، بهڵکوو جیهانێک لهخۆشهویستی و سۆز و ههست به یهکییهوه گرێی دابووین جگه له چارهنوسهبنهڕهتیهکان ئهو وهک سهرکردهیهک و من و هاوڕێکانم وهک پێشهمهرگهو قوتابیهک . خۆشهویستی ئێمهو ئهو وهک لهنگهرگرتنی بهلهمێک نهبوو بۆ کهناری دهریا ، بهڵکوو خوێن و ههست و بۆچونهکان ئاوێتهی یهکتری کرد بووین . ئێمه و ئهو لهیهک سهنگهردا پهیامێکمان پێ بوو ، ئهو پهیامه داخوازی زمانی جله ڕهشپۆشهکانی نیشتمان و بریسکهی گریانی سهر ڕوومهتی منداڵانی ڕێگا دوورهکان و هاواری کۆمهڵیک مرۆڤی لهیهکچووی ئهم گهله بهش مهینهته بوو . ئازاد ، یادگاریهکانت فلیمی نێو سینهماکانی میشک و سهرپهردهی سۆمای چاوهکانمانن ، تا جوڵه و گیان له جهستهماندا مابێت لێمان جیا نابنهوه ، لهبیرم دێت نهت دهزانی توڕهبوون چییه ، خهندهکانی سهرلێوت جیهانێک له خۆشهویستی و چاوهکانت کانگایهک له سهرنج و وتهکانت داهاتویهک بوو له ئامۆژگاری . ههموو ئێوارهیهک ههر جارهی به جۆرێک ، جارێک گیتارهکهت دهگرت بهدهستهوهو به هاوارێکی نهرم و جهسته بزوێن دهتووت : (کورهکان کۆببنهوه ) به هێواشی و بهدهسته زێڕینهکانت گیتارهکهت دهژهنی و ههر یهکهمان لهجێی خۆمانهوه گۆرانیمان دهچڕی ، جارێکی تر و له شهوێکی تردا تۆ وهک مامۆستاو ئێمهش وهک شاگرت ، وانهی سیاسی و ئیداری و سهربازی و کۆمهڵایهتیت پێمان دهوتهوه ، تۆ فێری ڕهوشت بهرزی و خۆگونجاندن و گیانی لێبوردنت کردین . نهم بیست و نهمدی لێت" نهبهزین و چۆکدادان " ، دیار بوو بهڵێنت بهنیشتمان و گهلهکهت دابوو " لهشهڕگهی بهرامبهرو سهختدا لهسهر ئهنشک نهجهنگایت " بۆیهههر بهپێوه پێکرایت و تفهنگهکهت کرده خهڵاتی مۆزهخانهی نهبهزیوانی نیشتمان. ئهمڕۆکه ههمان بهرنامهو ههمان ههست و ههمان خۆشهویستی بۆ نیشتمان و گهل له نێو خێزانهکهی یهکێتی دا " کهتۆ مینبهری بوویت بوونی نهماوه ، شتهجوانهکان ژاکاون و " دارسێوهکان " مهمکه شوشهو کاروازی ( مهلاعیب ) بۆ منداڵانی کورد بهرناگرن ، کێڵگهکان پڕن له توترک و گیاکهڵهو داڵهکهرخۆره ، لهبههاراندا گوڵاڵه سورهکان سهما ناکهن ، هیچ کهس پێ ناکهنێت و کهس سهرچۆپی و گاوانی ناگرێت ، دهنگی " گیتارژهن " نایهت و هاواره سهرنج ڕاکێشهکان بهنهرمی گازمان ناکهن ، کهس سهرکردهو مامۆستامان نییه ، جیهانێکی پهشیمانی و تهمومژاوی لهکۆڵمان دهگرێت و بهرهو چارهنوسێکی نادیارمان دهبات . . دهههستهوه ، ڕێگای خواری ڕێبازهکهی ئهمڕۆمان ڕاست کهرهوه ، ههر وهک جاران سهرقافڵهکهی شۆڕشگێڕی بهدهست بگرهرهوه ، وانهی داوێن پاکی و ههستی نهتهوهیی ببێژهرهوه ، بهگیتارهکهت جگه له سرود بۆ نیشتمان هۆرهی جاف و قهتاروئاڵاوهیسی تا سیاچهمانهکهی لای ههورامانمان بۆ بژهنهرهوه.. که ههستایتهوه نهسڵـمێیتهوه لهههڵوێست و ڕهفتاری دڕندانهی ئاوانهی دوێنێ له ژێر ناوی کرێکاران و ڕهنجدهراندا هاوڕێ و هاوسهنگهرمان بوون ، لهوانهی لهسهر خۆشهویشتی "ڕێبوار و شهمهکهی " قهراخ ، له چرکهیهکی دراماویدا ڤالانتینایان سهربڕی و کلتوری شهرمهزاریان وهک مۆم بۆ مێژوو داگیرسان و ئێستا خۆیان داوێن پیسترین کهسن . که ویستت سهرت بڵندکهیت ، سهرت نهدا لهتهلاری زێر و کۆشکی شاهانهی هاوڕێکانی دوێنێمان که غهریب کونجرینیان لهسهر یهک کڵاشنکۆف فرۆشتن بۆ خهرجی منداڵهکانی به زیندانیان سپاردو ههست و نهستیان وهک کراس لهبهر داکهندو به زۆر دهستیان به خوێنی هاوڕێکهی سور کرد ، بهڵام ئێستا خۆیان لهچهتهی شارڕێگر ترو خراپ ترن... لێم ببوره لهوانهیه گهر ئهم مهشههدانه ببینی لێم توڕه ببیت و بڵێیت شاڵا بهئاگات نههێنامایه و نهم دیبایه ، دوێنێ له قهندیل شههید بووم و دهترسم ئهمڕۆ له نێو داستانه بهناو مۆدێرنیتهکهی سهرکردهکانی هاوڕێی دوێنێم ، ههناسه ساردهکانی نێوجهستهم لێم ڕابپهڕن و بهداری ئازهرهکانی دهرونمدا بم بهستنهوهو به ڕێژنهی گولهی ویژدانم ، جارێكی تر ههر بهپێوه شههیدم کهنهوه .. کونجــــــــرینی سویس / 21 . یولی . 2008 kuncryni@gmx.ch
|
|||||||
 |
|
Hawramanno.net
.:
2008-2007 ©
ههموو مافهکانی ئهم ماڵپهڕه پارێزراون
بۆ
:. |