ماڵی ئاوا ئه‌وکه‌سه‌ی ماڵی تۆ ئه‌کات ئاوا
عه‌بدی خۆته‌و خۆت ئه‌زانیت چی له‌ تۆ داوا ئه‌کا
کوڕی کانی عاشقان – سوید
Falah_30@hotmail.com
زۆر ده‌مێکه‌ ده‌گه‌ڕێم بۆ دیوه‌خانێک ئارامی و ئاسوده‌ییم بداتێ، خه‌ونم بوو که‌مێک له‌ میحرابی هه‌ناسه‌کانی عه‌شقێکی پاکدا خه‌ونێکی سه‌وز ببینم، له‌ بیابانێکدا وێڵی قومێک ئاوی ساردی کوێستانه‌کان بووم، ئیمڕۆ پێی شاد بووم، ئه‌ویش ماڵیکی جوان و پڕ له‌ پیت و فه‌ڕی نه‌غمه‌ و ئاوه‌زه‌کان، ئه‌و ماڵه‌ش ماڵپه‌ڕی هونه‌رمه‌ندی ناسراوی گه‌له‌که‌مان کاکه‌ مه‌ریوان سه‌فادین بوو!! ماڵت ئاوا کاکه‌ مه‌ریوان گیان بۆ ئه‌و ماڵپه‌ڕه‌ جوانه‌ت، له‌ناو کۆچه‌ و کۆڵانه‌کانیدا ته‌نیا تر له‌ خۆم و ئاشناتر له‌ هاوڕی ی مناڵی یه‌کانم پڕ سۆز تر له‌ جاری جارانم، هێمن تر له‌کاتی مناڵیم، به‌ گوڕ تر له‌ هه‌رزه‌ییم، چاو پڕ له‌ قه‌تیسه‌کان له‌ کاتی ڕوخان و ماڵوێناری هه‌ڵه‌بجه‌که‌م، گه‌ڕام وازم نه‌هێنا هه‌تا هه‌نجیرێکی ڕه‌شی عه‌بابه‌یلێم دۆزیه‌وه‌، به‌شتان ناده‌م، چونکه‌ که‌سێک نه‌بوو له‌تانگه‌نه‌کان و نه‌هه‌مه‌تی یه‌کانم ئاوڕێکم لێبداته‌وه‌، سه‌رسام مه‌بن به‌وه‌ی له‌و له‌زه‌ت و خۆشی یه‌ی ماڵپه‌ڕه‌که‌ی مه‌ره‌ی هاوڕێم به‌شتان نه‌ده‌م، ئێوه‌ش وه‌ک من بڕۆن و سه‌ردانی ئه‌و ماڵه‌ جوانه‌ بکه‌ن، نالی ئاسا پێ ی بڵێن مالت ئاوا مه‌ریوان گیان ئه‌و که‌سه‌ی سه‌ردانی ماڵپه‌ڕه‌که‌ت ئه‌کات، پێ ی بڵێن کوڕی کانی عاشقان هاوڕێی منداڵی خۆته‌ و خۆت ده‌زانی لوتف و مه‌رحه‌مه‌تی تۆ داوا ئه‌کات،، ماڵپه‌ڕه‌که‌ت هێنده‌ جوانه‌ ئه‌ڵیی سلێمانی یه‌و تازه‌ له‌ هه‌ڵه‌بجه‌ گه‌ڕاوه‌ته‌وه‌ و پێشتر له‌ بن سێبه‌ره‌کانی خاک و خۆڵه‌که‌ی حه‌زره‌تی نالی پشویه‌کی داوه‌ و قومێک ئاوی له‌ سه‌راوی سوبحان ئاغا نۆش کردوه‌، ماڵه‌که‌ت بۆ چاوی دوژمنه‌کانی تۆ و هونه‌رمه‌نده‌کانی کورد هنده‌ تیژ و پیرۆزه‌ ئه‌و ڕق و کینه‌یه‌ وه‌ک دووپشکی عه‌ربه‌ته‌که‌ی خۆمان به‌ دوژمنه‌کانته‌وه‌ ئه‌دات، له‌ ده‌لاقه‌ی ماڵه‌که‌ته‌ شنه‌یه‌کی بای کوردستانم بۆهات له‌م ته‌نگه‌ نه‌فه‌سی و بێهه‌وایه‌دا ڕزگاری کردم، چه‌نده‌ بنووسم ناگاته‌ جوانی و ڕه‌نگه‌ په‌مه‌ییه‌کانی هه‌ناسه‌کانی گه‌رمیان، کوردبوونت هێنده‌ به‌هێزه‌ وه‌ک که‌رکوک چییه‌تی یه‌که‌ی گشتمان گه‌ردن به‌رز و لا مل ئه‌ستووره‌ وه‌ک قه‌لا و مناره‌که‌ی هاولێرم، پڕ له‌ ڕه‌نگی جوانه‌ وه‌ک ئاڵا بێنازه‌که‌ی کوردستانه‌که‌م، پڕ له‌ نۆته‌ی نه‌غمه‌ی کورده‌ هه‌روه‌ک و بادینانه‌ سه‌رکه‌شه‌که‌م، له‌ کۆتایدا ئه‌ڵیم سه‌د جار ـالت ئاوا هونه‌رمه‌ندی ناسراوی گه‌له‌که‌مان ئه‌و مه‌ریوان سه‌فادینی هێمن و له‌سه‌رخۆ و به‌ڕێز و به‌ئه‌ده‌ب و شه‌رم و که‌م دو زۆر بیرکردنه‌وه‌ و که‌م شه‌نست، ئه‌گه‌ر تۆش ملکه‌چی یاسا و ده‌سه‌ڵاته‌ گه‌نده‌ڵه‌کان بوویتایه‌؟ ده‌مێک بوو ده‌یان کلیپ و سی دی یان بۆ ده‌رئه‌کردیت، سات و کاتێکی خۆش ئارام بۆ تۆ و بۆ خوێنه‌ران، هه‌شاد بن. ‌