|
|
|
|||||||
|
به نامی خودای گۆره و میهرهبانی چهنی گهرمتهرین ریز و سڵامیما پهی خهڵکوو به شهرهفوو کوردستانی، به مهبهستوو ئاگاداری پهی خهڵکوو روژههڵاتوو کوردستانی، به تایبهت ناوچهو هۆرامانی، که تامهزرویی خهباتی سیاسی و نیزامی خانهؤادهو نهقشبهندی یاخود سپاو رزگاری کوردستانیهنی. ئیمه ههر جم و جووڵیؤی خهڵکی جه روژههڵات، باشوور و باکور که هورقوڵاو ئیراده، واست، و ئهویستوو خهڵکی و جه راو ئاؤات و ئامانجهکا نهتهؤهو کوردیهنه بو، به مافیؤی رهؤا و حقووقی و شهرعیش مزانمی. بهڵام ئیسه ئانا مژنهومی که بریؤ دووکانداری سیاسیی و مهسڵهحهتچیی بی ؤهرهچهم گرتهی بهرژهوهندیهکا کورد و کوردستانی و به مهبهستوو ؤنارای سیاؤی لهشکهری به نامی سپاو رزگاری کوردستانی، کۆتینی تهق و دهؤوو گلیرۆ کهردهی خهڵکی، تا جه راو بهرههم ئاردهی پووڵ و پاریؤی فرهتهری و بهرژهوهندی شهخسیهنه کهراش به دهسهو دمهکی تازهی. ئیمه پی جوره خهڵکوو کوردستانی و به تایبهت مهردموو هۆرامانی ئاگادار کهرمی که ئی وههم و خهیاڵه که جه لاو مسعود کمالی و حسین یزدانپنا یۆ ئامانهنه ئارا به هیچ جوریؤ پیؤهنیش به خانهؤادهو نهقشبهندیاؤه نیا و تهنیا خولقیاو ؤیروو چهوتوو ئا دؤه کهسهیهنه. ئیمه پیسه بنهماڵهو نهقشبهندی ئی جم و جووڵیه مهشکووک، ناپهسهند و مایی کهند و کوسپوو سهرهراو سهقامگیری باشووری و ماباقی بهشهکاتهروو کوردستانی و دژ به مافهکا نهتهؤهو کوردی مزانمی. پیسه فارسی ماچا: تا خود حدیث مفصل بخوانی ازین مجمل. ههر پی بونۆ به ئهؤیست مزانمی تا خهڵکوو بهشهرهفوو کوردستانی و به تایبهت ناوچهو هۆرامانی ئاگادار کهرمێ که مسعود کمالی و حسین یزدانپنا هیچ وهخت مهتاؤا هورگیروو پهیاموو سیاسی خهڵکوو کوردی یان بنهماڵهو نهقشبهندی با. دوکتور مادح نهقشبهندی بهریتانیا(لهندهن) ئهحسهن نهقشبهندی سوید 2008-07-13
|
|||||||
 |
|
Hawramanno.net
.:
2008-2007 ©
ههموو مافهکانی ئهم ماڵپهڕه پارێزراون
بۆ
:. |